๑๔ กุมภา “วาเลนไทน์” เวลาห้าโมงเย็น เชิญชวนทุกท่านแต่งกายผ้าพื้นเมืองไปชมแฟชั่นโชว์ชุดล้านนาที่ลานประตูท่าแพ จังหวัดเชียงใหม่

เชียงใหม่ – หมู่เฮาพากันไปนัก ๆ เน่อครับ ถ้า เฮาฮักเจียงใหม่ อย่างน้อยได้ช่วยผู้ประกอบการด้านผ้าทอผ้าฝ้ายตั้งแต่การผลิตจนออกมาเป็นชุดพื้นเมืองหื้อเฮาได้ใส่งาม ๆ กัน ได้กระตุ้นทั้งจิตวิญญาณและวัฒนธรรมการแต่งกายของเฮาชาวล้านนา รวมทั้งช่วยกระตุ้นเศรษฐกิจในภาพรวม ถ้าเฮาบ่ช่วยกันแล้วไผจะมาช่วย

เสน่ห์เวียงพิงค์คือ แม่ญิงงาม และการแต่งกายงาม ไปช่วยกันสร้างสีสัน และสร้างรายได้ กระตุ้นให้เกิดการหมุนเวียนของเศรษฐกิจในภาพรวม คนมีตังค์ก่อขอเอาออกมากินมาใช้พ่องเน่อ

คนที่กลัวไวรัสโควิด-๑๙ บ่ต้องกลัวนักเน่อ บ้านเฮาเป็นเมืองฮ้อน พอเจอแดดมันก่อตายหมดแล้ว ประเทศอื่นเขาอากาศหนาวเย็น ไวรัสโควิด-๑๙ มันชอบและแพร่ขยายพันธุ์ไปได้รวดเร็ว บ้านเฮาแดดดี หมอก่อเก่ง บ่ต้องกลัว ดูแลสุขอนามัยกินฮ้อนช้อนกลาง ล้างมือบ่อย ๆ ไปในที่แออัดก่อใส่หน้ากากป้องกันก็โอเคแล้ว ปากันออกไปกิน ไปแอ่ว ไปอุดหนุนปี้น้องบ้านเฮา ช่วยกันน่อยเต๊อะ

๑๔ กุมภา วันวาเลนไทน์นี้ เวลา ๕ โมงแลง เครือข่ายภาคประชาชนและทุกองค์กรร่วมกันจัดงานนี้ขึ้น ขอแค่ทุกคนแต่งผ้าเมืองงาม ๆ หรือชุดพื้นเมืองประยุกต์ก่อได้ พากันไปดูแฟชั่นโชว์ชุดล้านนา ไปถ่ายรฮูปงาม ๆ กับสวนหย่อมที่ข่วงท่าแพไว้เป็นที่ระลึก แล้วแชร์ในไลน์ เฟซบุ๊ก เช็คอินข่วงท่าแพนัก ๆ ฟรีตลอดงาน แล้วเจอกันเน่อครับ

พิพัฒน์ ศรีตะวัน สำนักข่าวเชียงใหม่ออนไลน์นิวส์ รายงาน

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *